美女露眯-漏口风恭喜准新娘超莲阿Sa巴黎勇敢抗贼揈手袋攻击

阿Sa外游时将重要物品夹在心口，非常高招！

早前到英、法两地工作的女星蔡卓妍，甫返港即出席活动，对于好友容祖儿在外地被偷去名牌手袋，她即自爆外游时必把财物夹在心口，又自爆曾在巴黎以手袋抗贼！另外，同场的古天乐日前拍摄一场在水底被困箱中的戏份，不单要闭气解锁冇「孭樽」，更发生意外缝9针！

古天乐、蔡卓妍（阿Sa）、新一代男神魏浚笙、歌手Tyson Yoshi及「宅男女神」吴家忻（Kayan9896）等，昨日在尖沙咀一个商场出席活动，吸引大批Fans闻风而至，把商场挤得水泄不通。论全场最吸睛，莫过于以皮褛配Bra Top型格上阵的吴家忻，她说：「我不嬲都性感，最性感系自己嘅态度。」

前晚刚由伦敦返港的阿Sa，对于容祖儿在美国被偷去朋友所送的手袋，她说：「吓死我！个袋唔系我送，佢个朋友咁好嘅，可唔可以介绍我识？」她又分享旅行时的抗贼妙方，称会自备安全夹，把信用卡等夹在心口，她笑说：「祖儿又唔讲，下次我送个畀佢啦！以前试过去巴黎工作时，有人嚟抢嘢，本能反应下我用手袋『窝』对方。」

谈及下月结婚的陈家乐，阿Sa指对方已来电：「如果有时间又喺香港，我会出席婚礼，未谂送咩，不过系咪送BB嘢？希望佢哋快啲有BB，都差唔多喇！」至于赌王三房千金何超莲有传同样于下月结婚，阿Sa初时说：「之前喺伦敦撞到佢，我有同佢讲恭喜。（佢咩反应？）正常都会讲多谢。」此时她即收口，并反问：「佢系咪公布咗？不如由佢自己讲番，我乜都唔知。（当时超莲一个人行街？）唔知呢！」

古天乐拍戏缝9针

同场的古天乐透露，早前拍水底戏时闭气没有「孭樽」，期间更发生意外：「有场戏被困喺水底嘅水箱之中，解锁时畀扇叶割伤手指，缝咗9针，依家已经好番晒。」他主演的新片《扫毒3：人在天涯》将与梁朝伟的《金手指》同样在暑假档上映，他说：「我相信电影公司唔会咁蠢，安排两部戏同期对撼，但暑假档开始有啲大片上映，系一件好事。」